| Notater |
- Kilde: Sunnmørsposten 2 sept. 1993
Erling Skarbøe, Sjøholt, fyller 85 år i dag, torsdag 2. september.
Erling spelar både i direkte og inndirekte tydning på mange strengar.
På fele, mandolin og banjo – men også på munnspel.
Han har skapt glede og stemning på ungdomshus og institusjonar.
Han er alltid velkommen, særleg på sjukeheimen, der han no ofte er og underheld.
Han har også bak seg eit variert arbeidsliv. I mange sesongar var han mellom anna notkar på "Sjøholt-laget" som dreiv sildefiske på Ørskogvika. Seinare gjekk han i skomakerlære og dreiv verkstad på Sjøholt. Etter krigen var han tilskjerar ved Sjøholt Lærvarefabrikk, for så å slutte sin yrkesinnsats på trelastlageret på Stavseng.
Han har alltid vore godt likt og ein både omgjengeleg og rettvis arbeidskamerat.
Men han har dessutan lyriske strengar, og utsynet frå Verahornet har inspirert han til å lage ein vakker Sjøholtsang med tekst og tone.
Ei vakker hylling til bygda som også blir ståande som eit minnesmerke over han sjølv.
"Se kirken hvor den rager opp med tårnet høyt mot sky. Halvt skjult den er av bjørketopp bak Osberg-oddens ly. Storelva suser bred og god så dempet like ved som vil den dysse deg til ro i kirkegårdens fred."
|
1908 - 1995 (87 år)
