Andre Hendelser og Egenskaper:

• _UID: 049E26AA647A4062966EBC415A40C0F03D0F
• Konfirmasjon: 6 Jul 1924, Ørskog kirke

Notater:

Halvard og Mina flytta til Viset i 1940. Bnr. 8 Skaret.
Hallvard var snekkar av yrke.
Kilde Sunnmørsposten 17.okt. 1995
Foreldra hans var frå Stadheim i Sunnylven. Dei kjøpte eit bruk på Gjerde i Vaksvik, og der vaks han opp saman med fire eldre søskjen.
Hallvard var hendig i alt han tok seg føre, og særs godt likte han å arbeide med trematerialer.
Ungguten reiste til Møre Fylkessnikkar og treskerarskule i Molde, og det var ei nyttig og god læretid for han. Han arbeidde ei tid på snikkarverkstad, men draumen om å starte sin eigen verkstad leika i hugen. Med enkle arbeidsreidskap starta han i kjellaren i barndomsheimen og der dreiv han i nokre år.
Like før krigen kjøpte han eit jordstykke på Viset, og der bygde han løe og våningshus med verkstad i kjellaren. Han laga møblar, vindu og dører og vide kjende var skråskapa han laga med vakkert treskjererarbeid. Det som vaks fram mellom hendene hans var nøyaktig og perfekt. Mange unge fekk gleda av å gå i snikkarlære hjå han.
Hallvard Stadheim var ein alt mogleg mann. Folk kom til han for å få vølt reidskap og andre ting og han heila det meste.
For det kristelege arbeidet i bygda var han ein resursperson. Frå sine unge år vart han med i leiinga for arbeidet på bedehuset. Uteljande er dei timar han la ned i arbeid for å gjere huset vakkert og tenleg. Han var kontaktperson for fleire misjonsorganisasjonar, og ein trufast leiar av indremisjonen. I musikklaget var det han som stemte instrumenta, og sjølv spelte han fiolin.
Hallvard hadde evna til å tenkje sakleg og sidig, og som misjonsleiar var han kjend som ein venesel, merkesmann og stridsmann for fredens evangelium. Usvikeleg truskap var varemerket hans i ferd og gjerd.
Han var gift med Mina f. Vattøy, og saman la dei vinn på å ha ein open og gjestmild heim.

Hallvard giftet seg med Nålevende [Gruppeskjema] [Familiediagram]

Familie/Ektefelle/partner: Nålevende. [Gruppeskjema] [Familiediagram]